Երևանի թոփ-10 խնդիրները
Վերլուծություն, ամփոփում և փորձագիտական նյութեր
Փոշի
Երեւանում բարձր է փոշու մակարդակը։ Այն լցվում է աչքերդ, անցնում թոքերդ և ծանր հիվանդությունների պատճառ դառնում
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Աչքերի հետ կապված խնդիրներ՝ բորբոքում, ալերգիա, եղջերաթաղանթի վնասվածք
- Ուռուցքաբանական հիվանդությունների ռիսկի բարձրացում
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Ոչ մետաղական նյութերի հանքերը քաղաքի շրջակայքում
- Շինհրապարակներում բնապահպանական պահանջների անտեսումը
- Ավազով և խճաքարով պատված մեծ թվով քաղաքային ամայի տարածքները
- Սիզամարգերի և ծառերի շուրջ չորացած հողը
- Քաղաքում գտնվող գործարանները
Աղբ
Երևանը լի է մեծ ու փոքր աղբամաններով, որոնք անհրապույր տեսք են հաղորդում կենտրոնական փողոցներին, իսկ ամռանը գարշահոտություն արձակում
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Վտանգ առողջության համար,
- Կրծողների և ճանճերի բազմացում,
- Քաղաքի տգեղ տեսք և գարշահոտություն,
- Ստորերկրյա ջրերի աղտոտում, որը հետագայում մտնում է քաղաքի ջրամատակարարման համակարգ,
- Այրվող աղբավայրերը քաղաքում առաջացնում են ազոտի երկօքսիդի արտանետումներ և մառախուղ։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Հայաստանում աղբամանները ֆիզիկական և իրավաբանական անձանց բաժանելու մասին օրենքի բացակայություն,
- Մեկանգամյա օգտագործման տարաների և պոլիէթիլենային տոպրակների վաճառքն արգելող օրենքի բացակայություն,
- Թափոնների հեռացման այլընտրանքային մեթոդների բացակայություն. աղբի գրեթե 100%-ն ուղարկվում է թաղման,
- Նետվող աղբի քանակը նվազեցնելու միջոցառումների բացակայություն,
- Քաղաքային աղբամանների և աղբի տարաների մաքրման ոչ պատշաճ գործընթաց։
Մահացությունը ճանապարհներին
Երևանում ամեն օր մեծ թվով պատահարներ են տեղի ունենում, որոնց հետևանքով տուժում են թե՛ հետիոտները, թե՛ վարորդները
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Բարձր մահացություն. Հայաստանում ճանապարհատրանսպորտային պատահարների հետևանքով տարեկան ավելի քան 300 մարդ է մահանում։ 2022 թվականի սեպտեմբերի 12-ին Ադրբեջանը ներխուժեց Հայաստանի տարածք։ Երեք օրերի արդյունքում մեր երկիրը կորցրել է 204 հայրենակից։ Մեծ կորուստ մեր ազգի համար։ Ցավ, որը չի կարելի մոռանալ։ Նույն 2022 թվականի ընթացքում՝ խաղաղ պայմաններում, երկրի ճանապարհներին մահացել է 321 մարդ, տարբեր աստիճանի վնասվածքներ ստացել՝ 6153 մարդ։
- Քաղաքի անհասանելիություն սահմանափակ շարժունակություն ունեցող մարդկանց համար։
- Վնասվածքների բարձր ռիսկ։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Մեքենաների բարձր արագություն, որը պայմանավորված է՝
- երթևեկելի մասի հարթ և առանց խոչընդոտների հատվածներով,
- չափազանց լայն գոտիներով և ճանապարհների երկար ուղիղ հատվածներով,
- շրջանաձև խաչմերուկների սակավությամբ։
- անցումների միջև մեծ հեռավորություն,
- խաչմերուկներում և կանգառների կողքին դրանց բացակայություն,
- անցումների վատ լուսավորվածություն,
- անվտանգության կղզյակի բացակայություն,
- խաչմերուկում պտտման սխալ անկյուն,
- անցումների մոտ երթևեկելի մասի նեղացման բացակայություն,
- պառկած ոստիկանների》բացակայություն այնտեղ, որտեղ դրանք անհրաժեշտ են,
- հետիոտնային անցումները գտնվում են ճանապարհի մակարդակի վրա, ոչ թե մայթի,
- հետիոտնային անցման դիմաց սալաքարերի բացակայություն։
4. Ստորգետնյա և վերգետնյա հետիոտնային անցումների առկայություն։
Ինքնագնացներ և հեծանիվներ
Քաղաքը հարմարեցված չէ հեծանվորդների և ինքնագնաց վարողների համար, ինչը սպառնում է ինչպես նրանց, այնպես էլ անցորդների և վարորդների անվտանգությանը
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Վտանգ հետիոտների, վարորդների, հեծանվորդների և ինքնագնացների սեփականատերերի համար,
- Վնասվածքի բարձր ռիսկ. միայն 4 ամսում 38 մարդ տուժել է ինքնագնացներից և դիմել 《Հերացի》 հիվանդանոցային համալիր,
- Քաղաքի գերծանրաբեռնվածություն մեքենաներով։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Օրենքում հեծանիվը և ինքնագնացը գրանցված չեն որպես տրանսպորտային միջոց,
- Ենթակառուցվածքների (հատուկ գոտիներ և կայանատեղիներ) բացակայություն,
- Օրենքը չի սահմանում արագության սահմանափակումներ,
- Սկուտերների քաոսային կայանման համար պատասխանատվության բացակայություն։
Թափառող շներ
Երևանի բնակիչների համար ամեն օր վտանգ են ներկայացնում անօթևան շները
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Քաղաքացիների և ընտանի կենդանիների վրա թափառող շների հարձակման բարձր ռիսկ,
- Հակասանիտարական պայմաններ՝ կեղտ և լվեր,
- Շները կարող են կրել այնպիսի հիվանդություններ, ինչպիսին է կատաղությունը։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Շների ապաստարանների սակավություն,
- Կարգավորող մարմինների սահմանափակման և պատասխանատվության վերաբերյալ խիստ օրենսդրության բացակայություն։
Այգիներ և բակեր
Քաղաքին խիստ անհրաժեշտ են հարմարավետ, ժամանակակից և անվտանգ թաղային այգիներ, մանկական և սպորտային հրապարակներ
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Քաղաքացիների անհավասար բաշխում հանրային տարածքներում՝ ծանրաբեռնելով կենտրոնը,
- Չկահավորված հանրային տարածքների պատճառով քաղաքացիները չեն զգում հոգատարություն քաղաքապետարանի կողմից,
- Կեղտոտ բակերը չեն խթանում տեղի բնակիչների պատասխանատվությունը՝ այնտեղ կարգուկանոն պահպանելու համար,
- Հարմարավետության փոքր գոտի։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Երևանի զարգացման հիմնարար պլանի բացակայություն,
- Առողջ ապրելակերպի զարգացմանն ուղղված պետական աջակցության և քաղաքականության սխալ թիրախավորում,
- Բակերում ֆուտբոլի խաղադաշտերի կառուցման պլանների վերանայում՝ հօգուտ բոլոր կատեգորիաների քաղաքացիների բազմաֆունկցիոնալ տարածքների,
- Ինքնակամ կառույցները զբաղեցնում են նախկին քաղաքային հանրային տարածքների տեղը։
Հանրային տրանսպորտ
Միկրոավտոբուսներն ու ավտոբուսները հաճախ ուշ են ժամանում կանգառ, դրանք մարդաշատ են ու անհարմար
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Տեղաշարժման անհարմարություն,
- Այլընտրանք՝ հօգուտ անձնական մեքենայի և արդյունքում խցանումների ավելացում,
- Հասարակական տրանսպորտի անհասանելիություն սահմանափակ շարժունակություն ունեցող մարդկանց համար,
- Հեռավոր տարածքների անմատչելիություն,
- Քաղաքի կենտրոնական ավտոկայանատեղերի գերբեռնվածություն,
- Քաղաքի հնաոճ պատկեր։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Երթուղու գծերի սխալ բաշխում (կենտրոնի օգտին),
- Միասնական տրանսպորտային համակարգի բացակայություն,
- Առանձնացված գծերի բացակայություն,
- Մասնավոր փոխադրողների և միկրոավտոբուսների առկայություն,
- Փոքր տարողությամբ ավտոբուսների գնում,
- Միասնական էլեկտրոնային վճարային համակարգի բացակայություն,
- Կանգառների ոչ պատշաճ տեղակայում,
- Փոխանակման խոշոր հանգույցների բացակայություն։
Ավտոկայանատեղիներ
Երեւանը վերածվել է մի մեծ քաոսային ավտոկայանատեղիի
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Կենտրոնի ծանրաբեռնվածություն մեքենաներով,
- Ավտոկայանատեղերի բացակայություն,
- Քաղաքի ոչ ժամանակակից տեսք,
- Հետիոտների համար անհարմարություն,
- Հետիոտնային անցումներում կայանման նորմերը չպահպանելու պատճառով վթարների ռիսկի ավելացում։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Կայանման սխալ արժեք,
- Աբոնեմենտների սխալ հաշվարկ,
- Կենտրոնի բնակիչների համար անվճար կայանատեղերի բացակայություն,
- Կայանատեղիներում ավտոմեքենաների դասավորման սխալ սխեմա,
- Անարդյունավետ պայքար բանկերի, ռեստորանների և խանութների կողմից ավտոկայանատեղերի յուրացման դեմ,
- Ավտոկայանատեղերի ապօրինի սպասարկողների դեմ պայքարի անարդյունավետություն,
- Ապօրինի կայանման (հետիոտնային անցումների և մայթերի վրա) դեմ պայքարի անարդյունավետություն։
Մատչելի միջավայր
Մանկասայլակով ծնողների և հաշմանդամություն ունեցող անձանց համար անհարմար և հաճախ անհնար է տեղաշարժվել Երևանի փողոցներով, քանի որ դրանք հարմարեցված չեն նրանց համար
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Սահմանափակ շարժունակություն ունեցող մարդիկ իրենց չեն զգում քաղաքային կյանքի լիիրավ մասնակից և չեն կարողանում ազատ տեղաշարժվել Երևանում,
- Անհարմար քաղաք նաև հետիոտների համար,
- Հետիոտների մասնակցությամբ ճանապարհային պատահարների ռիսկի մեծացում։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Առանց խոչընդոտ միջավայրի կազմակերպման միասնական ստանդարտների բացակայություն,
- Սահմանափակ շարժունակություն ունեցող քաղաքացիների օգնության ծառայությունների բացակայություն,
- Հասարակական վայրերում թեքահարթակների և վերելակների բացակայություն,
- Հետիոտների անցումների սխալ կազմակերպում,
- Անվասայլակով հաշմանդամների համար նախատեսված ավտոկայանատեղերի բացակայություն,
- Մեծ թվով ստորգետնյա և վերգետնյա անցումներ։
Տեսողական աղմուկ
Քաղաքի ոճը խաթարում են կեղտոտ օդորակիչները, հոսանքալարերի անփույթ կծիկները և հոգնեցնող գովազդը
ՀԵՏևԱՆՔՆԵՐԸ ԲՆԱԿԻՉՆԵՐԻ ՀԱՄԱՐ
- Քաղաքի ոչ կոկիկ տեսք,
- Խառնաշփոթ մայթերի վրա,
- Քաղաքի հնաոճ պատկեր։
ՊԱՏՃԱՌՆԵՐԸ և ԱՂԲՅՈՒՐՆԵՐԸ
- Շենքերի ճակատների տեսքի ստանդարտների բացակայություն,
- Հեռահաղորդակցական ընկերությունների համար լարերի տեղադրման կանոնակարգերի բացակայություն,
- Կարգավորող մարմինների անփույթ վերաբերմունք քաղաքի կոկիկ տեսքը պահպանելու նկատմամբ։
ՄԵԶ ՀԵՏԱՔՐՔԻՐ Է ՁԵՐ ԿԱՐԾԻՔԸ
Ուրախ կլինենք ստանալ ձեր կարծիքները քաղաքի խնդիրների և դրանց լուծման տարբերակների վերաբերյալ, ինչպես նաև ողջունում ենք նախագծի շուրջ ցանկացած գաղափար և առաջարկ: Ակտուալ խնդիրները և առաջարկները կհրապարակվեն կայքում և սոցիալական ցանցերում (առանց հեղինակի անունը կամ կոնտակտները նշելու)
info@yerevote.am